ADDRESS TO A LADY.

Oн, wert thou in the cauld blast,

On yonder lea, on yonder lea,

My plaidie to the angry airt,

I'd shelter thee, I'd shelter thee:

Or did misfortune's bitter storms

Around thee blaw, around thee blaw,
Thy bield should be my bosom,
To share it a', to share it a'.

Or were I in the wildest waste,

Sae black and bare, sae black and bare, The desert were a paradise,

If thou wert there, if thou wert there:

Or were I monarch o' the globe,

Wi' thee to reign, wi' thee to reign, The brightest jewel in my crown

Wad be my queen, wad be my queen

THE AULD MAN.

BUT lately seen in gladsome green,
The woods rejoice the day;

Thro' gentle show'rs the laughing flow'rs
In double pride were gay.

But now our joys are fled

On winter blasts awa;
Yet maiden May, in rich array,
Again shall bring them a',

But my white pow, nae kindly thowe
Shall melt the snaws of age;
My trunk of eild, but buss or bield,
Sinks in Time's wintry rage.
Oh, age has weary days,

And nights o' sleepless pain; Thou golden time o' youthful prime, Why com'st thou not again?

JOHN ANDERSON, MY JO.

JOHN ANDERSON, my jo, John, When we were first acquent, Your locks were like the raven, Your bonie brow was brent; But now your brow is beld, John, Your locks are like the snow: But blessings on your frosty pow, John Anderson, my jo.

John Anderson, my jo, John,

We clamb the hill thegither
And monie a canty day, John,

We've had wi' ane anither;

Now we maun totter down, John
But hand in hand we'll go,
And sleep thegither at the foot,
John Anderson my jo.

AULD LANG SYNE.

SHOULD auld acquaintance be forgot,
And never brought to min'?
Should auld acquaintance be forgot,
And days o' lang syne?

CHORUS.

For auld lang syne, my dear,

For auld lang syne;

We'll tak a cup o' kindness yet,
For auld lang syne.

We twa hae run about the braes,
And pu't the gowans fine;

But we've wander'd monie a weary foot,
Sin' auld lang syne.

For auld, &c.

We twa hae paidl't i' the burn,
Frae mornin' sun till dine,

But seas between us braid hae roar'd,

Sin' uld lang syne.

For auld, &c

And here's a hand, my trusty fiere,

And gie's a hand o' thine;

And we'll tak a right guid willie-waught, For auld lang syne.

For auld, &c.

And surely ye'll be your pint-stowp,

And surely I'll be mine;

And we'll tak a cup o' kindness yet,
For auld lang syne.

For auld, &c.

HOPELESS LOVE.

TUNE "Liggeram Cosh."

BLITHE hae I been on yon hill,
As the lambs before me;
Careless ilka thought and free,
As the breeze flew o'er me:

Now nae longer sport and play,
Mirth nor sang can please me;

Lesley is sae fair and coy,

Care and anguish seize me.

Heavy, heavy, is the task,

Hopeless love declaring:

Trembling, I dow nocht but glow'r,
Sighing, dumb, despairing!

If she winna ease the thraws,
In my bosom swelling,
Underneath the grass-green sod
Soon maun be my dwelling.

BANKS OF NITH.

TUNE -"Robie Donna Gorach."

THE Thames flows proudly to the sea,

Where royal cities stately stand;

But sweeter flows the Nith to me,

Where Commons ance had high command!

When shall I see that honor'd land,

That winding stream I love so dear? Must wayward Fortune's adverse hand For ever, ever keep me here ?

How lovely, Nith, thy fruitful vales,

Where spreading hawthorns gaily bloom! How sweetly wind thy sloping dales,

Where lambkins wanton thro' the broom!

Tho' wand'ring now, must be my doom,
Far from thy bonie banks and braes,
May there my latest hours consume,
Amang the friends of ear.y days!