When the bonnie lad that I loe best
Is ower the hills and far awa?
When the bonnie lad that I loe best
Is ower the hills and far awa?
It's no the frosty winter wind,
It's no the driving drift and snaw;
But aye the tear comes in my ee,
To think on him that's far awa.
But aye the tear comes in my ee,
To think on him that's far awa.
My father pat me frae his door,
My friends they hae disown'd me a',
But I hae ane will tak my part,
The bonnie lad that's far awa.
But I hae ane will tak my part,
The bonnie lad that's far awa.
A pair o' gloves he gae to me,
And silken snoods he gae me twa;
And I will wear them for his sake,
The bonnie lad that's far awa.
And I will wear them for his sake,
The bonnie lad that's far awa.
HOW CRUEL ARE THE PARENTS!
(ALTERED FROM AN OLD ENGLISH SONG.)
TUNE-John Anderson my Jo.
How cruel are the parents,
Who riches only prize;
And to the wealthy booby,
Poor woman sacrifice!
Meanwhile, the hapless daughter
Has but a choice of strife;
;-
To shun a tyrant father's hate,
Become a wretched wife.
The rav'ning hawk pursuing,
The trembling dove thus flies,
To shun impelling ruin
A while her pinions tries :
Till of escape despairing,
No shelter or retreat,
She trusts the ruthless falconer,
And drops beneath his feet.
HOW LONG AND DREARY IS THE NIGHT!
TUNE--Cauld Kail in Aberdeen.
How long and dreary is the night
When I am frae my dearie!
I restless lie frae e'en to morn,
Tho' I were ne'er sae weary.
For oh! her lanely nights are lang,
And oh her dreams are eerie,
And oh! her widow'd heart is sair,
That's absent frae her dearie.
When I think on the lightsome days
I spent wi' thee, my dearie,
And now what seas between us roar,
How can I be but eerie ?
How slow ye move, ye heavy hours!
The joyless day, how dreary!
It was na sae ye glinted by,
When I was wi' my dearie.
I AM MY MAMMY'S AE BAIRN. TUNE-I'm owre young to marry yet.
AM my mammy's ae bairn,
Wi' unco folk I weary, Sir;
And if I gang to your house,
I'm fley'd 'twill make me eerie, Sir.
I'm owre young to marry yet;
I'm owre young to marry yet;
I'm owre young-'twad be a sin
To tak me frae my mammy yet.
Hallowmas is come and gane,
The nights are lang in winter, Sir;
And you and I in wedlock's bands,
In trouth, I dare na venture, Sir.
Fu' loud and shrill the frosty wind
Blaws through the leafless timmer, Sir;
But if ye come this gate again,
I'll aulder begin simmer, Sir.
I DO CONFESS THOU ART SAE
I DO confess thou art sae fair,
I wad been ower the lugs in love,
Had I na found the slightest prayer
That lips could speak thy heart could move I do confess the sweet, but find
Thou art sae thriftless o' thy sweets,
Thy favours are the silly wind,
That kisses ilka thing it meets.
See yonder rose-bud, rich in dew,
Amang its native briers sae coy;
How sune it tines its scent and hue
When pou'd and worn a common toy !
Sic fate, ere lang, shall thee betide,
Tho' thou may gaily bloom awhile;
Yet sune thou shalt be thrown aside
Like ony common weed and vile.
I DREAM'D I LAY.
I DREAM'D I lay where flowers were springing
Gaily in the sunny beam;
List'ning to the wild birds singing,
By a falling, crystal stream:
Straight the sky grew black and daring;
Thro' the woods the whirlwinds rave;
Trees with aged arms were warring,
O'er the swelling drumlie wave.
Such was my life's deceitful morning,
Such the pleasure I enjoy'd;
But lang or noon, loud tempests storming,
A' my flowery bliss destroy'd.
Tho' fickle Fortune has deceiv'd me,
She promis'd fair, and perform,d but ill;
Of mony a joy and hope hereav'd me,
I bear a heart shall support me still.
I GAED a waefu' gate yestreen,
A gate I fear, I'll dearly rue;
I gat my death frae twa sweet een,
Twa lovely een o' bonnie blue.
'Twas not her golden ringlets bright;
Her lips like roses wat wi' dew,
Her heaving bosom, lily-white-
It was her een sae bonnie blue.
She talk'd, she smil'd, my heart she wil'd;
She charm'd my soul-I wist na how;
And aye the stound, the deadly wound,
Cam frae her een sae bonnie blue.
But spare to speak, and spare to speed;
She'll aiblins listen to my vow:
Should she refuse, I'll lay my dead
To her twa een sae bonnie blue.
|