My coggie is a haly pool,

That heals the wounds o' care and dool;

And pleasure is a wanton trout,

An' ye drink it a' ye'll find him out.
Then gudewife, &c.

HAD I THE WYTE.*

TUNE-HAD I THE WYTE SHE BADE ME.'

HAD I the wyte, had I the wyte,
Had I the wyte she bade me;
She watch'd me by the hie-gate side,
And up the loan she shaw'd me;
And when I wadna venture in,
A coward loon she ca'd me;
Had kirk and state been in the gate,
I lighted when she bade me.

Sae craftilie she took me ben,
And bade me make nae clatter;
For our ramgunshoch glum gudeman
Is out and owre the water :'

Whae'er shall say I wanted grace,
When I did kiss and dawte her,
Let him be planted in my place,
I was the fautor.

Syne say

*This Song was published in the Musical Museum, p. 427, with Burns' name.

Could I for shame, could I for shame,
Could I for shame refused her?
And wadna manhood been to blame,
Had I unkindly used her?

He clawed her wi' the ripplin-kame,
And blue and bluidy bruised her;
When sic a husband was frae hame,
What wife but had excused her?

I dighted ay her een sae blue,
And bann'd the cruel randy;
And weel I wat her willing mou'
Was e'en like sugar-candy.
A gloamin-shot it was I trow,
I lighted on the Monday;
But I cam through the Tysday's dew,
To wanton Willie's brandy.

HEE BALOU.*

TUNE THE HIGHLAND BALOU.'

HEE balou! my sweet wee Donald,
Picture o' the great Clanronald;

Brawlie kens our wanton chief

Wha got my young Highland thief.

* Published in the Musical Museum, but without the name of the author. The first verse, says Cromek, in his edition of Select Songs, p. 63, is a Highland balou, or nursery song.

Leeze me on thy bonnie craigie,
An' thou live, thou'll steal a naigie
Travel the country thro' and thro',
And bring hame a Carlisle cow.

Thro' the Lawlands, o'er the border,
Weel, my babie, may thou furder:
Herry the louns o' the laigh countree,
Syne to the Highlands hame to me.

HER DADDIE FORBAD.t

TUNE- JUMPIN' JOHN.'

HER daddie forbad, her minnie forbad;
Forbidden she wadna be:

She wadna trow't, the browst she brew'd
Wad taste sae bitterlie.

The lang lad they ca' Jumpin' John
Beguiled the bonnie lassie,

The lang lad they ca' Jumpin' John
Beguiled the bonnie lassie.

A cow and a cauf, a yowe and a hauf,
And thretty gude shillin's and three;
A vera gude tocher, a cotter-man's dochter,
The lass with the bonnie black e'e.

+ This is said to consist partly of an old ballad, and to have been partly written by Burns. It occurs in the Musical Museum, p. 145, but not with his name.

The lang lad they ca' Jumpin' John
Beguiled the bonnie lassie,

The lang lad they ca' Jumpin' John
Beguiled the bonnie lassie.

HERE'S TO THY HEALTH, MY BONNIE LASS.*

TUNE LAGGAN BURN.'

HERE'S to thy health, my bonnie lass,
Gude night, and joy be wi' thee;
I'll come nae mair to thy bower door,
To tell thee that I lo'e thee.
O dinna think, my pretty pink,

But I can live without thee:

I vow and swear I dinna care
How lang ye look about ye.

Thou'rt ay sae free informing me
Thou hast nae mind to marry;
I'll be as free informing thee
Nae time hae I to tarry.

I ken thy friends try ilka means,
Frae wedlock to delay thee;
Depending on some higher chance-
But fortune may betray thee.

This song is in the Musical Museum, p. 511, with Burns' name to it.

I ken they scorn my

low estate,

But that does never grieve me; But I'm as free as any he,

Sma' siller will relieve me.

I count my health my greatest wealth,
Sae long as I'll enjoy it :

I'll fear nae scant, I'll bode nae want,
As lang's I get employment.

But far off fowls hae feathers fair,
And ay until ye try them :

Tho' they seem fair, still have a care,

They may prove waur than I am.

But at twal at night, when the moon shines bright,
My dear, I'll come and see thee;

For the man that lo'es his mistress weel
Nae travel makes him weary.

HEY, THE DUSTY MILLER.†

TUNE THE DUSTY MILLER.'

HEY, the dusty miller,

And his dusty coat;
He will win a shilling,

Or he spend a groat.

This Song is in the Musical Museum, p. 151, but has not the name of the author attached to it.