We'll sew a green ribbon
Round about his hat,

And that will let them ken
He's to marry yet.

Lady Mary Ann

Was a flower i' the dew,

Sweet was its smell,

And bonnie was its hue!
And the langer it blossom'd
The sweeter it grew;
For the lily in the bud
Will be bonnier yet.

Young Charlie Cochran

Was the sprout of an aik; Bonnie and bloomin'

And straught was its make: The sun took delight

To shine for its sake, And it will be the brag O' the forest yet.

The simmer is gane

When the leaves they were green,

And the days are awa

That we hae seen;

But far better days

I trust will come again,

For my bonnie laddie's young,

But he's growin' yet.

THE HIGHLAND WIDOW'S LAMENT.

OH! I am come to the low countrie,
Och-on, och-on, och-rie !
Without a penny in my purse,
To buy a meal to me.

It was na sae in the Highland hills,
Och-on, och-on, och-rie!
Nae woman in the country wide
Sae happy was as me.

For then I had a score o' kye,
Och-on, och-on, och-rie !
Feeding on yon hills so high,
And giving milk to me.

And there I had three score o' yowes,
Och-on, och-on, och-rie!
Skipping on yon bonnie knowes,
And casting woo' to me.

I was the happiest of a' the clan,
Sair, sair may I repine;
For Donald was the brawest lad,
And Donald he was mine.

This Song is in the Musical Museum, p. 514, but not with Burns' name. It is said to be a version of a Highland Lament for the ruin which followed the rebellion of 1745.

Till Charlie Stewart cam' at last,
Sae far to set us free;

My Donald's arm was wanted then,
For Scotland and for me.

Their waefu' fate what need I tell,
Right to the wrang did yield:
My Donald and his country fell
Upon Culloden's field.

Oh! I am come to the low countrie,
Och-on, och-on, och-rie!

Nae woman in the world wide

Sae wretched now as me.

MERRY HAE I BEEN TEETHIN' A HECKLE.*

TUNE LORD BREADALBANE'S MARCH.

O MERRY hae I been teethin' a heckle, And merry hae I been shapin' a spoon ; merry hae I been cloutin a kettle,

And kissin' my Katie when a' was done.
O a' the lang day I ca' at my hammer,
An' a' the lang day I whistle and sing,
A' the lang night I cuddle my kimmer,

An' a' the lang night as happy's a King.

* This Song does not appear to be in the Musical Museum, or in Thomson's Collection. No account is known of its history.

Bitter in dool I lickit my winnins,

O' marrying Bess, to gie her a slave:

Bless'd be the hour she cool'd in her linnens,
And blythe be the bird that sings on her grave.
Come to my arms, my Katie, my Katie,

An' come to my arms, and kiss me again!
Drunken or sober, here's to thee, Katie!
And bless'd be the day I did it again.

RATTLIN', ROARIN' WILLIE.*

TUNE-RATTLIN', ROARIN' WILLIE.'

O RATTLIN', roarin' Willie,

O, he held to the fair,

An' for to sell his fiddle,

An' buy some other ware;
But parting wi' his fiddle,

The saut tear blin't his ee;
And rattlin', roarin' Willie,
Ye're welcome hame to me!

O Willie, come sell your fiddle,
O sell your fiddle sae fine;
O Willie, come sell your fiddle,
And buy a pint o' wine!

* "The last stanza of this Song," Burns says, "is mine: it was composed out of compliment to one of the worthiest fellows in the world, William Dunbar, Esq. Writer to the Signet, Edinburgh, and Colonel of the Crochallan corps, a

If I should sell my fiddle,

The warl' would think I was mad;
For mony a rantin' day

My fiddle and I hae had.

As I cam by Crochallan,
I cannily keekit ben-
Rattlin', roarin' Willie

Was sitting at yon board en',
Sitting at yon board en',

And amang guid companie;
Rattlin', roarin' Willie,

Ye're welcome hame to me!

O MALLY'S MEEK, MALLY'S SWEET.+

O MALLY'S meek, Mally's sweet,

Mally's modest and discreet, Mally's rare, Mally's fair,

Mally's every way complete.

As I was walking up the street,

A barefit maid I chanced to meet;

But O the road was very hard

For that fair maiden's tender feet.

club of wits who took that title at the time of raising the fencible regiments." It occurs, with Burns' name, in the Musical Museum, p. 222.

This Song was almost Burns' last contribution to the Musical Museum, where it occurs, p. 617, with his name.